Амбасадорот на Република Македонија во Каиро, Египет Г-дин Миле Манолев на 19.04.2010 оствари средба со Гувернерот на Каиро, Министерот Абдел Азем Вазер. Притоа Гувернерот Вазер го запозна Амбасадорот Манолев со организациската поставеност на градот Каиро и меѓусебните односи на триесетте области на колку е поделен градот. Амбасадорот Манолев пројави интерес за функциите и надлежностите на градот како и за проблемите со кои секојдневно се среќаваат. Гувернерот Вазер искажа желба за скора средба со градоначалникот на Скопје Коце Трајановски во Каиро како би се потпишал протокол за соработка.